ماشى فى طريقى وسكتى
مشلول وخايف
راسم عيون على خلقتى
وكأنى شايف
منى سليمان
MASRAWEYAhttp://arabic.mona-soliman.bogger.com
فيروس خبيث ملعون
من ضمن كااام مليون
إختارنى يقرفنى
دخل فى لحم الزور
والأنف صابه الدور
ولعينى …ولودنى
طايح فى جسمى
لعين
يضرب شمال ويمين
وشافنى ماعرفنى
كل اللى سافر…غاب
ورجعلى بعد غياب
وياريته ماوصفنى
أبدع فى وصف الحال
طول عمر قلبى ضعيف
بيخاف من الأحزان
والحزن مشَرَف… ضيف
لابد فى كل مكان
دا لأن واقعنا مخيف
غدار ملهش أمان
حَرَمنا أجمل طيف
قبل الأوان بأوان
بأنعى لكل الناس
إبن الأصول إحساس
طفلة بريئة بين الصغار
طِلعتلى إيد شاقة الجدار
سحبتنى وياها لجوه
رمتنى وبقسوة فى هوه
ولقيتنى مسجونة ف جدار
فى جو خانق
حر
نار
أصرخ كأنى فى بطن حوت
مفيش بشر تسمعلى صوت
جدار عازلنى فى وحدتى
عن كل متعة فى دنيتى
أغلالى تضحك طوبة طوبة
وأنا أبكى
تخنقنى الرطوبة
فضلت أكبر فى الجدار
يضيق
ويخنقنى الحصار
فى وحدتى بأصحى وبأنام
محرومة حقى فى الكلام
محرومة أختار هدمتى
محرومة قلمى
متعتى
محرومة عشقى للفنون
محرومة من لحظة جنون
قررت أفتش جوا قلبى ع المتاعب
وفضلت أستف كل هم العمر جانب
طويت وجيعتى والأسى وكل المصاعب
جنبتهم هما كمان
جنبت أحلامى زمان
جنبت دقات قلب ماتت م الهموم
جنبت دمى اللى إتحرق مليان سموم
جنبت كل آهات حياتى
جنبت عمرى اللى إنقضى وعمرى اللى آتى
ركزت قلبى فى النهاردا
وكأن زمنى خلاص وقف عند الزمن دا
وسألت نفسى رايحه فين ؟
وشايله جواكى الحنان والشوق لمين ؟
لناس بتدى وتستحق ؟!!
فرعون ولجم أسد
وساقه فى الأدغال
والحلم لو ينولد
تتغير الأحوال
كم من حقايق طغت
لو كان بإيدى
لضمت حبات النجوم
عقد
أزين بيها جيدك
وأرص دقات قلبى سلم
فى جزيرة الماضى البعيد
بنيتلى عشة محندقة
وعشت أعيد الذكريات
خالية الأنانى ….مروقة
لحد ماف يوم مش تمام
من غير مايرميلى السلام
ظهرلى بكرا من جديد
عايش غريب
فى مجتمع ..مقبض كئيب
وسط الديابة
بأجول وبأعوى
كأنى ديب
لكنى جوايا حزين
عوائى يتحول نحيب
ليه ياكريم وجدتنى
وسط أبشع مجتمع
إنتى سايبانى
مسافرة
قلبى متجنن عليكى
ياخوفى
تبقى ناوية هجرة
والليالى تجرى بيكى
حنى ليا
كلمينى
حسى بيا
إنصفينى
حسى قلبى وجرحه دامى
حسى عقلى وروح كلامى
ماتسيبيش ظنك يخونك
إحسنى تقدير ظنونك
كل خطوة إحسبيها
لو لبكره ماترجعيها
بس ليا….إرجعيلى
حلمى وقع منى
وأنا
بأجرى ف طريقى
جريت على درب الأمانى
