فرعون ولجم أسد
وساقه فى الأدغال
والحلم لو ينولد
تتغير الأحوال
كم من حقايق طغت
ـــــــــــــــــــــــــــــــــــــــــــــــــــــــــ
ماشى فى طريقى وسكتى
مشلول وخايف
راسم عيون على خلقتى
وكأنى شايف
منى سليمان
MASRAWEYAhttp://arabic.mona-soliman.bogger.com
فرعون ولجم أسد
وساقه فى الأدغال
والحلم لو ينولد
تتغير الأحوال
كم من حقايق طغت
لو كان بإيدى
لضمت حبات النجوم
عقد
أزين بيها جيدك
وأرص دقات قلبى سلم
فى جزيرة الماضى البعيد
بنيتلى عشة محندقة
وعشت أعيد الذكريات
خالية الأنانى ….مروقة
لحد ماف يوم مش تمام
من غير مايرميلى السلام
ظهرلى بكرا من جديد
عايش غريب
فى مجتمع ..مقبض كئيب
وسط الديابة
بأجول وبأعوى
كأنى ديب
لكنى جوايا حزين
عوائى يتحول نحيب
ليه ياكريم وجدتنى
وسط أبشع مجتمع
إنتى سايبانى
مسافرة
قلبى متجنن عليكى
ياخوفى
تبقى ناوية هجرة
والليالى تجرى بيكى
حنى ليا
كلمينى
حسى بيا
إنصفينى
حسى قلبى وجرحه دامى
حسى عقلى وروح كلامى
ماتسيبيش ظنك يخونك
إحسنى تقدير ظنونك
كل خطوة إحسبيها
لو لبكره ماترجعيها
بس ليا….إرجعيلى
حلمى وقع منى
وأنا
بأجرى ف طريقى
جريت على درب الأمانى
نفسى أهجرنى وأجيكى
نفسى أهرب منى ..ليكى
نفسى أقيدلك قلبى شمعه
تدوب ياعمرى بين إيديكى
نفسى عقلى يكون ونيسك
نفسى قلبى يكون جليسك
زمان….زمان
قبل الميلاد
كان الرجال ..
حسب تاريخنا زمان ماقال
حاملين لراية الطعام
يتغربوا..يتصيدوا
والنسوة مرتاحة تنام
رجالة في الغابات تفوت
وياما منها رجال تموت
أما الحريم..
عايشة
بتغرق في النعيم
ترعي ..تربي في العيال
والحال كدا ماشي وعال
راجل لئيم فكر وقال :
لازمنا تخطيط من جديد
ليه إحنا نشقى شهور بعيد
والنسوة تتهنا هنا
صاح الرجال :
دا رأي عال
شغل دماغك ..قلنا
إزاي نحل المسألة
بعد التعب والبهدلة
نرتاح وهما يتعبوا
فكر وقال :
مفيش محال
والحل قدامنا بسيط
تلزمنا ثورة للحريم
ثورة على الخير والنعيم
هما يثوروا ويطلبوا
وإحنا نمانع بالكلام
وف وقت ما الثورة تعم
نرضخ ونستسلم تمام
نرتاح ونتنهنا بقا
يتحملوا معانا الشقا
في البيت يعودوا لشغلهم
إنتي بنتي
أيوه إنتي
إنتي روحي ونور عينيا
إنتي اللي مهما غبتي
مايهونش بعدك يوم عليا
إنتي أيامي اللي كانت
إنتي أحلامي اللي بانت
إنتي مني
إنتي ليا
إنتي قلبي اللي سافر
إنتي إحساسي المهاجر
إنتي أملي في دنيا جايه
إنتي …إنتي
تلاتين سنه وحبه (ا)
أوجاعنا تتخبى (ا)
ونقول رضا وراضيين
بنداري ضعف الحال
ونقول دي راحة البال
تسوي آلاف ملايين
لكن
لابالنا إرتاح
ولافيه هنا وأفراح
ودي حجة العاجزين
تلاتين سنة وحاجة
بنئن م الحاجة
ونداري ع الحاسدين
